Tÿ'r Cwmnïau

Egwyddorion Adennill Costau

Mae Tŷ’r Cwmnïau yn Gronfa Fasnachu a rhaid iddo weithredu ar sail adennill costau. Mae ffioedd Tŷ’r Cwmnïau yn dwyn cyswllt, fel sy’n ofynnol o dan Gyfraith Ewrop a chanllawiau Trysorlys Ei Mawrhydi, â’r gost a ragwelir ar gyfer darparu pob gwasanaeth a’r  ffordd y bydd cwsmeriaid yn cyrchu’r gwasanaethau hynny.

Gorolwg o gostau Ty'r Cwmniau (Saesneg yn unig)

Y prif reolau a statudau ffioedd y mae’n rhaid i Dŷ’r Cwmnïau eu dilyn yw:

• Fel Cronfa Fasnachu, mae gan Dŷ’r Cwmnïau ddyletswydd statudol i  fodloni costau dros ysbaid o amser ac i wireddu elw (gwarged) blynyddol cyfartaleddol o 3.5%.
• Mae Managing Public Money, sy’n ganllaw gan Drysorlys Ei Mawrhydi i ffioedd a chodiannau, yn mynnu i ffioedd fodloni costau (sef, eu hadennill yn llawn) ar gyfer pob gwasanaeth ar wahân, ar ôl caniatáu ar gyfer cost gyfalaf o 3.5%. Mae hyn yn atal croes-gymhorthdal rhwng gwahanol wasanaethau statudol.
• Mae Cyfarwyddeb Gynta’r Gymuned Ewropeaidd ar y Gyfraith Gwmnïau, yn mynnu bod copïau o gofnodion cwmni ar gael i’r cyhoedd am bris na fydd yn uwch na “chost weinyddol” eu cynhyrchu.  
• Mae Cyfarwyddeb Trethi Cyfalaf y Comisiwn Ewropeaidd yn caniatáu i gostau cofrestru cwmni gael eu talu o ffioedd, ond yn gwahardd ffioedd sydd i bob pwrpas yn drethi. Mae hyn yn golygu na ellir yn gyfreithlon bennu prisiau’n uwch na’r costau am y gwasanaethau perthnasol.
• Mae’r gyfraith achosion (yn fwyaf nodedig Fantask A/S e.a. v Industriministeriet (Erhvervministeriet) a Ponente Carni SpA a Cispandana Costruzioni SpA v Amministrazione delle Finanze dello Stato) yn rhoi arweiniad pellach i’r costau y gellir ac na ellir eu cymryd i ystyriaeth wrth osod ffioedd.

• Mae Deddf Cystadleuaeth 1998 yn gwahardd camfanteisio ar safle trech yn y farchnad.