Newidiadau Pwysig i Wasanaethau Ar-lein Tŷ’r Cwmnïau

Yn sgil gweithredu Deddf Cwmnïau 2006 yn derfynol ar 1 Hydref 2009, bydd rhai newidiadau i sgriniau a dull gweithio’n gwasanaethau ar-lein.  I’ch helpu i ddeall beth sydd wedi newid, rhoir disgrifiadau cryno isod. Cliciwch ar y pennawd perthnasol ar gyfer y gwasanaeth sydd angen:

WebFiling
WebCHeck
Companies House Direct

WebFiling – Newidiadau i sgriniau a’r dull gweithio

Mae rhifau’r ffurflenni wedi newid o dan Ddeddf Cwmnïau 2006. 

Ffurflenni Deddf Cwmnïau 2006 yw’r ffurflenni diofyn fydd ar gael drwy brif ddewislen gwasanaeth WebFiling. Bydd ‘hen’ ffurflenni Deddf Cwmnïau 1985 ar gael o dan y tab ’Hen ffurflenni’ o fewn y brif ddewislen.

Bydd trafodion ‘dyddiad y digwyddiad’ (e.e. dyddiad penodi) ar gael yn ffurflenni rhagnodedig newydd Deddf Cwmnïau 2006 (e.e. AP01) a ‘hen’ ffurflenni Deddf Cwmnïau 1985 (e.e. 288a).
Dyddiad y digwyddiad fydd yn penderfynu pa ffurflen sydd i’w chyflwyno.

• Dyddiad digwyddiad ar neu wedi 01/10/09 = ffurflen newydd
• Dyddiad digwyddiad cyn 01/10/09 = hen ffurflen

DIM OND yn ffurflenni newydd rhagnodedig Deddf Cwmnïau 2006 (e.e. AD01) y bydd trafodion sydd HEB ddyddiad digwyddiad (e.e. newid y swyddfa gofrestredig) ar gael; bydd ‘hen’ ffurflenni Deddf Cwmnïau 1985 ar gyfer y trafodion hyn (e.e. 287) yn dod i ddiwedd eu hoes ar 01/10/09.

Gweld manylion llawn y trefniadau trosiannol ar gyfer y ffurflenni a gaiff eu ffeilio fynychaf.

SYLWER:
Bydd pob ffurflen o dan Ddeddf Cwmnïau 1985 a gaiff ei ffeilio ar neu wedi 01/10/09 yn cael ei chofrestru ar y cofnod cyhoeddus fel y rhif-adnabod-ffurflen cyfatebol o dan Ddeddf Cwmnïau 2006. Bydd delwedd ddogfen y ffurflenni hyn yn aros heb ei heffeithio.

Yn wyneb y newidiadau yn sgil gweithredu Deddf Cwmnïau 2006, mae’n bwysig nodi bod rhaid i Ffurflenni Blynyddol sydd ‘Ar y Gweill’ gael eu cyflwyno erbyn canol nos ar 30 Medi 2009 – fel arall, ni chaiff yr wybodaerh hon mo’i chadw.

Y manylion newydd sydd angen ar gyfer:

Swyddogion cwmni

Gwlad/Gwladwriaeth Breswyl – rhaid darparu hyn ar gyfer pob cyfarwyddwyr sy’n berson

Manylion cofrestru o fewn yr AEE (yr Ardal Economaidd Ewropeaidd) neu’r tu allan i’r AEE – rhaid darparu hyn ar gyfer pob cyfarwyddwr ac ysgrifennydd corfforaethol yn unol â’i statws o fewn neu y tu allan i’r AEE.

Cyfeiriad cyflwyno hysbysiadau

O 1 Hydref 2009 ymlaen, rhaid i bob cyfarwyddwr roi gwybod i Dŷ’r Cwmnïau am ei gyfeiriad preswyl arferol a hefyd, ar gyfer pob safle fel cyfarwyddwr a ddeil, cyfeiriad cyflwyno hysbysiadau.

Cyfalaf
Wrth gyflwyno Clustnodiad Cyfrannau neu Ffurflen Flynyddol, rhaid ichi roi gwybod am y canlynol yng nghyswllt pob dosbarth o gyfrannau:

• y Swm sydd wedi’i dalu ar bob cyfran
• y Swm sydd heb ei dalu ar bob cyfran
• manylion rhagnodedig yr hawliau sydd ynghlwm wrth y cyfrannau (e.e. hawliau pleidleisio cysylltiedig)

SAIL (Lleoliad Archwilio Amgen Unigol)

Rhaid roi gwybod am y SAIL pan NAD yw’r gofrestr aelodau neu’r gofrestr ddyledebwyr wedi’i chadw yng nghyfeiriad y swyddfa gofrestredig.

I roi gwybod am y cyfeiriad amgen, defnyddiwch y ffurflenni canlynol:

• AD02 Rhoi gwybod am leoliad archwilio amgen unigol (SAIL) – i’w defnyddio i gofrestru’r cyfeiriad
• AD03 Newid sefyllfa cofnodion y cwmni i’r lleoliad archwilio amgen unigol (SAIL) – i’w defnyddio i gyfleu pa gofrestri sydd wedi’u cadw yn y SAIL

Sgrin fewnlofnodi

Wrth fewnlofnodi, rhaid ichi ddethol y ‘Math o Gwmni’ o’r ddewislen sy’n llifo i lawr. Rhaid i hyn gyfateb i leoliad cofrestru’r cwmni yr ydych yn ffeilio ar ei gyfer.

• Cymru/Lloegr
• Yr Alban
• Gogledd Iwerddon – NI
• Gogledd Iwerddon - RO

WebCHeck – Newidiadau i sgriniau a’r dull gweithio

Chwilio Cyfarwyddwyr wedi’u Gwahardd

Gellir cyrchu’r Gofrestr Cyfarwyddwyr Gwaharddedig bellach o dudalen hafan WebCHeck (Dethol a Chyrchu Gwybodaeth Gwmni).

Y diwyg newydd ar gyfer Hanes Ffeilio

Eicon dogfen newydd heb fod ar gael.  Nid yw dogfennau sy’n dangos yr eicon hwn ar gael i’w harchebu nes dileu’r aroleuo coch.

Eicon plygell newydd: mae yna drafodion yng nghyswllt y brif ddogfen na ellir mo’u harchebu’n annibynnol.  E.e. bydd penderfyniad neu ffurflen flynyddol a gaiff ei ffeilio ac sy’n cynnwys nifer o ddiwygiadau yn dangos y symbol dogfen wedi’i gilosod fel trafodyn ar wahân, ond dim ond un blwch ticio fydd i’w weld at ddibenion archebu’r ddogfen.

Aroleuo’r Datganiad Cyfalaf Diweddaraf

Mae eicon y llyfr nodiadau gwyrdd yn aroleuo’r ddogfen sy’n cynnwys y datganiad cyfalaf diweddaraf.

Erthyglau Enghreifftiol

Bydd yr eicon gwybodaeth ‘i’ i’w weld lle cafodd erthyglau enghreifftiol eu mabwysiadu o dan Ddeddf 2006, naill ai yn eu cyfanrwydd neu gyda darpariaethau wedi’u diwygio. Gellir cyrchu erthyglau enghreifftol o wefan Tŷ’r Cwmnïau drwy glicio’r disgrifiad o erthyglau neu’r eicon gwybodaeth gwyrdd.

Anodiadau

Lle cafodd dogfen ei marcio neu ei ‘Hanodi’ yn ffurfiol (i dynnu sylw at fannau lle mae angen eglurhad neu lle cafodd y ddogfen ei dileu neu ei disodli), bydd dalen ‘anodi’ i’w gweld wedi’i chilosod o dan eicon plygell gan ei bod yn gysylltiedig â delwedd y brif ddogfen, ond ni ellir mo’i harchebu’n annibynnol.

NODYN: Lle mae’r anodiad yn dweud ‘Dogfen wedi’i Dileu’, ni fydd y ddogfen honno ar gael i’w harchebu mwyach.

Anghysondeb

Lle mae ‘Anghysondeb Penodiadau’, e.e. ffeilio bod tymor penodiad swyddog yn dod i ben pan nad oes gan Dŷ’r Cwmnïau gofnod o benodiad y swyddog hwnnw, bydd y neges ganlynol yn ymddangos ar y sgriniau ‘Rydych chi wedi Dethol Manylion Cwmni’ a ‘Penodiadau Cwmni’:

Anghysondeb: nid yw’r rhestr benodiadau sydd gan Dŷ’r Cwmnïau yn cytuno â ffeiliadau’r cwmni.

Cynnwys manylion cwmnïau Gogledd Iwerddon (o 5 Hydref ymlaen)

Mae gwybodaeth Tŷ’r Cwmnïau bellach ar gael ar gyfer holl gwmnïau Gogledd Iwerddon, ac eithrio’r rhai sydd â’r blaenddodiaid canlynol:

NP – Cwmni Diwydiannol/Darbodus neu Undeb Credyd yng Ngogledd Iwerddon
NV – ICVC (Cwmni Buddsoddi â Chyfalaf Amrywiadwy) yng Ngogledd Iwerddon
NR – Cwmnïau Siarter Frenhinol yng Ngogledd Iwerddon

Argaeledd Delweddau:

• Cyfrifon a Ffurflenni Blynyddol ar gael o 2000 ymlaen
• Pob Dogfen o Chwefror 2004 ymlaen

Dim ond o fis Hydref 2009 ymlaen y bydd Manylion Ansolfedd ar gael.

Ailenwi categorïau Monitor

Ledled gwasanaeth Monitor mae’r categorïau dogfennau wedi cael eu hailenwi fel a ganlyn:

• ‘287’  wedi’i hailenwi Newid y Swyddfa Gofrestredig
• ‘288’ wedi’i hailenwi Penodiadau.

Fel rhifau ffurflen newydd y dangosir ffurflenni a gaiff eu ffeilio ar ôl 1 Hydref.

Enghreifftiau

Companies House Direct – Newidiadau i sgriniau a’r dull gweithio

Y diwyg newydd ar gyfer Hanes Ffeilio

Caiff yr eicon Dogfen Newydd Heb Fod Ar Gael ei ddangos am y rhesymau canlynol:

• Dogfennau wedi’u ffeilio’n ddiweddar Ni fydd y rhain ar gael i’w harchebu nes dileu’r aroleuad disgrifio coch a bod eicon y ddogfen i’w weld.
• Gall dogfennau hŷn sy’n dangos y symbol hwn a blwch dethol gael eu harchebu i’w trosglwyddo drwy lawrlwytho, drwy’r post neu dros beiriant ffacs, ond bydd rhywfaint o oedi cyn gwneud gan fod eisiau sganio. 
• Ni fydd dogfennau hŷn sy’n dangos y symbol hwn ond heb flwch dethol ar gael i’w harchebu o dan y gwasanaeth hwn. 

Eicon plygell newydd: mae yna drafodion yng nghyswllt y brif ddogfen na ellir mo’u harchebu’n annibynnol.  E.e. bydd penderfyniad neu ffurflen flynyddol a gaiff ei ffeilio ac sy’n cynnwys nifer o ddiwygiadau yn dangos y symbol dogfen wedi’i gilosod fel trafodyn ar wahân, ond dim ond un blwch ticio fydd i’w weld at ddibenion archebu’r ddogfen.

Aroleuo’r Datganiad Cyfalaf Diweddaraf.

Mae eicon y llyfr nodiadau gwyrdd yn aroleuo’r ddogfen sy’n cynnwys y datganiad cyfalaf diweddaraf.

Erthyglau Enghreifftiol

Bydd yr eicon gwybodaeth ‘i’ i’w weld lle cafodd erthyglau enghreifftiol eu mabwysiadu o dan Ddeddf 2006, naill ai yn eu cyfanrwydd neu gyda darpariaethau wedi’u diwygio. Gellir cyrchu erthyglau enghreifftol o wefan Tŷ’r Cwmnïau drwy glicio’r disgrifiad o erthyglau neu’r eicon gwybodaeth gwyrdd.

Anodiadau

Lle cafodd dogfen ei marcio neu ei ‘Hanodi’ yn ffurfiol (i dynnu sylw at fannau lle mae angen eglurhad neu lle cafodd y ddogfen ei dileu neu ei disodli),  bydd dalen ‘anodi’ i’w gweld wedi’i chilosod o dan eicon plygell gan ei bod yn gysylltiedig â delwedd y brif ddogfen, ond ni ellir mo’i harchebu’n annibynnol.

NODYN: Lle mae’r anodiad yn dweud ‘Dogfen wedi’i Dileu’, ni fydd y ddogfen honno ar gael i’w harchebu mwyach.

Anghysondeb

Lle mae ‘Anghysondeb Penodiadau’, e.e. ffeilio bod tymor penodiad swyddog yn dod i ben pan nad oes gan Dŷ’r Cwmnïau gofnod o benodiad y swyddog hwnnw, bydd y neges ganlynol yn ymddangos ar y sgriniau ‘Rydych chi wedi Dethol Manylion Cwmni’ a ‘Penodiadau Cwmni’:

Anghysondeb: nid yw’r rhestr benodiadau sydd gan Dŷ’r Cwmnïau yn cytuno â ffeiliadau’r cwmni.

Pecyn dogfennau newydd

Pecyn Cyfansoddiad

Pris: £4 Delwedd, £20 Post (yn gyson â phecynnau dogfennau presennol)

• Y Dystysgrif Gorffori ddiweddaraf
• Y ddogfen sy’n cynnwys y Datganiad Cyfalaf diweddaraf
• Yr Erthyglau neu’r Memorandwm ac Erthyglau diweddaraf
• Penderfyniadau o fathau penodedig wedi’u ffeilio ers yr Erthyglau neu’r Memorandwm ac Erthyglau diweddaraf

Cynnwys manylion cwmnïau Gogledd Iwerddon (o 5 Hydref ymlaen)

Mae gwybodaeth Tŷ’r Cwmnïau bellach ar gael ar gyfer holl gwmnïau Gogledd Iwerddon, ac eithrio’r rhai sydd â’r blaenddodiaid canlynol:

NP – Cwmni Diwydiannol/Darbodus neu Undeb Credyd yng Ngogledd Iwerddon
NV – ICVC (Cwmni Buddsoddi â Chyfalaf Amrywiadwy) yng Ngogledd Iwerddon
NR – Cwmnïau Siarter Frenhinol yng Ngogledd Iwerddon

Argaeledd Delweddau:

• Cyfrifon a Ffurflenni Blynyddol ar gael o 2000 ymlaen
• Pob Dogfen o Chwefror 2004 ymlaen
• Dogfennau nad ydynt eisoes yn ein cronfa ddata ar gael i’w harchebu o 1998 ymlaen

Dim ond ar gyfer cwmnïau yng Ngogledd Iwerddon a gafodd eu corffori ers 1 Hydref 2009 y mae pecynnau cyfansoddiad newydd ar gael.

Dim ond o fis Hydref 2009 ymlaen y bydd Manylion Ansolfedd ar gael.

Yr wybodaeth newydd am swyddogion a gaiff ei dangos lle bo’n gymwys

1. Dangosir y cyfeiriad cyflwyno-hysbysiadau diweddaraf (a, lle cawsant eu cipio, allbynnir y manylion Dan Ofal a’r Blwch Post)
2. Dangosir y Wlad/Wladwriaeth Breswyl lle cafodd ei chipio – dyma’r unig elfen o gyfeiriad preswyl arferol y cyfarwyddwr a gaiff ei datgelu’n gyhoeddus
3. O 1 Hydref ymlaen, dim ond lle ceir data annigonol i uno’r penodiadau dan sylw â chofnodion swyddog presennol y mae eisiau i benodiadau ysgrifenyddion newydd ddangos cyfeiriad cyflwyno hysbysiadau. O ganlyniad, caiff cofnod ysgrifennydd unigryw ei greu.

NODYN: gellir pennu’r rhain drwy’r allbwn ‘YSG’ yn y golofn ‘Math o Benodiad’ ar y sgrin Canlyniadau Chwiliad Swyddog.

Ailenwi categorïau Monitor

Ledled gwasanaeth Monitor mae’r categorïau dogfennau wedi cael eu hailenwi fel a ganlyn:

• ‘287’ wedi’i hailenwi Newid y Swyddfa Gofrestredig
• ‘288’ wedi’i hailenwi Penodiadau.

Fel rhifau ffurflen newydd y dangosir ffurflenni a gaiff eu ffeilio ar ôl 1 Hydref.

Enghreifftiau